Dari Wikipedia baso Minang, ensiklopedia bebas
Wikidata: Suku Koto (Q12076629), alun ado deskripsi
Namo lain: Alun ado
Namo lain: Alun ado
Suku Koto marupoan pacahan salah satu dari duo klan (suku dalam bahaso Minangkabau) induak dalam suku Minangkabau. Suku Minangkabau punyo duo suku yaitu suku Koto Piliang jo suku Bodi Chaniago
Asa Usua Suku Koto
A.A. Navis dalam bukunyo bajudul Alam Terkembang Jadi Guru manyatoan baso namo suku Koto barasa dari kato 'koto' dari bahaso Sanskerta 'kotta' nan aratinyo benteng, dimano dahulu benteng iko tabuek dari bambu. Di dalam benteng iko ado pulo pamukiman babarapa warga nan kamudian manjadi sabuah 'koto' nan juo baarati kota, dalam bahaso Batak disabuik 'huta' nan aratinyo kampuang. Dahulu Suku Koto marupoan ciek kasatuan jo Suku Piliang tapi karano pakambangan populasinyo mako paduan suku iko dikambangkan manjadi duo suku yaitu suku Koto jo suku Piliang. Suku Koto dipimpin dek Datuak Katumanggungan nan punyo aliran Aristokratis Militeris, dimano falsafah suku Koto Piliang iko adolah "Manitiak dari Ateh, Tabasuik dari bawah, batanggo naiak bajanjang turun", sadangkan Datuak Parpatih Nan Sabatang "tagak samo tinggi, duduak samo randah".
Gala Datuak Suku Koto
Di antaro gala datuak Suku Koto adolah :
- Datuak Tumangguang, gala iko dibarian bakeh Ir. Tifatul Sembiring dek warga suku Koto Kanagarian Guguak-Tabek Sarojo, Bukittinggi
- Datuak Bandaro Kali, gala iko alah pernah ka dilewakan bakeh Mantari Pariwisata Malaysia, Dr. Yatim|Rais Yatim nan badarah Minang tapi baliau manolaknyo lantaran ka sulik baginyo untuak talibek dalam kagiatan suku Koto nagari Sipisang salapeh baliau dilewakan.
- Datuak Sangguno Dirajo
- Datuak Panji Alam Khalifatullah, gala iko dilewakan bakeh Taufik Ismail karano baliau surang tokoh badarah Minangkabau suku Koto nan alah punyo prestasi di bidang seni jo budayo.
- Datuak Patiah Karsani
- Datuak Rangkayo Basa, gala datuak suku Koto di kanagarian Pakandangan, VI Lingkung, Padang Pariaman
- Datuak Palindangan Nan Sabatang
Pakambangan
Suku iko maalami pakambangan manjadi babarapo pacahan suku yaitu:
- Tanjung Koto
- Koto Piliang di nagari Kacang, Solok
- Koto Dalimo,
- Koto Diateh,
- Koto Kaciak,
- Koto Kaciak 4 Paruik di Solok Selatan
- koto Tigo Ibu di Solok Selatan
- Koto Kampuang,
- Koto Kerambil,
- Koto Sipanjang
- koto sungai guruah di Nagari Pandai Sikek (Agam)
- koto gantiang di Nagari Pandai Sikek (Agam)
- koto tibalai di Nagari Pandai Sikek (Agam)
- koto limo paruik di Nagari Pandai Sikek (Agam)
- koto rumah tinggi di nagari Kamang Hilir (Agam)
- koto rumah gadang, di nagari Kamang Hilir (Agam)
- kotosariak, di nagari Kamang Hilir (Agam)
- koto kepoh, di nagari Kamang Hilir (Agam)
- koto tibarau, di nagari Kamang Hilir (Agam)
- koto tan kamang/koto nan batigo di nagari Kamang Hilir (Agam)
- Koto Tuo di Kenegerian Paranap, Inderagiri Hulu
- koto Baru di Kenegerian Paranap, Inderagiri Hulu
Caliak pulo
Sumber: http://min.wikipedia.org/wiki/Suku_Koto
No comments:
Post a Comment